Ujor ka HANM, ba thurmur ka DSC East Jaintia

Shillong, 5 ‘lyngkot:
Ha kaba iadei bad ka jingleh thurmur jong ka tnad District selection committee(DSC) jong ka East Jaintia hills district ha kaba iadei bad ka post LDA cum typist; na ka liang jong ki ar tylli ki sengbhalang napoh East Jaintia hills, kiba kynthup iaka Hynniewtrep achik national movement (HANM) bad ka East Jaintia national council (EJNC) ki dawa jur na u Deputy Commissioner (DC) ka EJHD uba long ruh u chairman ka DSC jong ka district ba u dei ban pynshai paitbah noh hapoh 10sngi halor katei ka jingleh thurmur jong ka tnad DSC, ha kaba iadei bad ka post LDA cum typist ong u Bah Ency Shadap president HANM-EJH.
Ka long kaei kaei kaba sngew lyngngoh ba kumno haduh 23tylli ki kam kiba lait, katba don tang iwei i ba pass napdeng ki 50ngut naka liang jongki 2seng ki pynpaw ia ka jing suba jur ba ka don kaei  re kaei sha lyndet; namar kumba shu pynkynmaw ba dei hapoh ka jingialam ka jong une hi u DC hapoh EJHD ka la don shibun ka jingthungkam sop sop hapoh katei ka ophis ha u snem 2013-2014,ong u samla sambormi lyngdoh secretary EJNC.
Ki ar seng kin pynlong iaka jingialang hadien ka jingkut jong ka jingaipor lada ka jingaipor kam seisoh. Ka EJNC bad HANM ki dawa ruh naki bor district jongka EJHD ba ki dei ban pynlong noh da ka eksamin kaba pynthymmai halor katei ka post LDA.