Ujor ka CSWO, ba kren tam u myntri barim ia ki thei Khasi

Shillong,11 Nailar:
Ka CSWO ka la leit ban ujor, sha ki pulit jong ka Pasture Beat House , Polo Shillong pyrshah ia u L.Wanglat u Myntri sor kar barim ka Arunachal Pradesh uba la kynnoh ba ha ka 19 tarik u Naitung u la kren tam bad kren khlem akor ia kawei ka kynthei Khasi kaba la tip kyrteng kum ka kong Stela kharsyntiew kaba dei ruh ka nongap ia ka madan Gulf ha golf Link. U L.Wanglat u dei u dkhot jong ka Shillong Golf Club. Ka CSWO ka la leit rah ia katei ka jingujor hadien ba ka jingleit ia kynduh jong ki nongap ia katei ka madan Golf ia u Director jong ka Shillong Gulf Club kam shym la seisoh eiei bad um shym la leh eiei ia utei u briew. Halor katei ka jingjia ki la pyntip ruh sha u Myntri ka koit ka khiah ka jyla uba long ruh u dkhot jong katei ka Club u Bah A.L Hek hynrei ym don patiaw satia.
Kum kawei na ki sengbhaang kaba peit ia ka bha ka miat jong ka imlang sahlang khamtam ia ka hok jong ki kynthei ka CSWO kam lah ban shu sngap ia katei ka jingailad ia utei u Myntri sorkar barim ka Arunachal Pradesh ban leh katba mon ha kaba ka seng ka la ujor syndon da ka FIR ryngkat bad ki jingdawa ba dei ban pynshitom ia u katkum ka ain.