Ujor ka Arunachal sha Supreme Court, ia ka Assam

Ka Arunachal Pra desh ka la ujor ha ka ing bishar ba ha khliehduh ka ri ka Supreme Court ha kaba ka la kynnoh ba ka Assam ka la wan ban pynieng ia ki jingtei jong ka ha ki jaka ia kajia. Ka ing bishar ba la khlieh da u Justice T S Thakur ka la pan jubab na ka sorkar Assam hapoh ar taiew halor katei ka jingujor.
Hynrei ha ka sngi tian bishar la ong ba ki nongiasaid ain ka Assam ki la kular ha ki nongbi shar ba kin sangeh noh ia ki jingtei ha ki jaka ia kajia. Kitei ki jaka ia kajia ka Assam bad Arunachal Pradesh ki don haduh 792 kilomitar ka jingheh. Lah ruh ban pynkynmaw ba ka Assam ka la ujor sha ka ing bishar halor katei ka kam ia kajia ha u snem 1989, hynrei hynrei ka Court kam pat lah ban bishar ia katei ka kam. Ki la mih kiba bun bah ki jingkylli ha ka ing bishar ban bishar ia katei ka kam ia kajia pud hapdeng ka Assam bad Arunachal Pradesh kaba ka iing bishar ka dang hap ban tih bniah tiak pa tiak iano ban pynksan.