Shillong,22 Risaw:
Hadien ka jing leit tynrah kaba la bunsien ba ki samla na Upper Shillong ki la leit ban ia kren na ka bynta ban sangeh noh ka jingkhaii mawit, shyiap, ha ka jing kieng Umshyrpi kaba don ha pdeng ka jingkieng rim bad ka jingkieng thym mai, hynrei na ka liang ki riew shim kabu kim shym la patiaw eiei ruh bad la ju iohi ba manba ju leit ban tynrah ia katei ka kam, ka jing iakren ka kut noh tang ha ka jingpan por ban die pyndep ia ki mar ba dang don.
Hynrei mynta ka sngi u bah Hamlet Dohling, President UDP Mylliem Konstitwensi u la leit ban ujor syndon da ka FIR sha ki pulit ka Jhalupara Out Post pyrshah ia u kontraktor & Supplier uba rejistar ha ka sorkar u Susil S Sangma. Ha ka FIR u bah Hamlet u la pyntip sha ki pulit ba u Sangma u la die shyiap , maw it be-aian ha katei ka jaka naduh u snem 2010 haduh mynta ha ka jaka kaba dang hap hapoh ka PWD, bad u la pyndonkam ia katei ka jaka na bynta ki jingmyntoi shimet jong u. U bah Hamlet u la kyntu ia ki pulit ba ki dei ban leh eiei ban pynshitom ia utei u briew katkum ka ain.
Phi don ban ong eiei?