Ujor ia ka network Jio sha Bataw

Khliehriat: Ka seng Southern Border Youth Welfare Association (SBYWA), Elaka Lakadong bad Rymbai East Jaintia Hills District, ka la dawa na ka kompeni jio ban pynbha pynmiat ia ka jio network ha ki artylli ki jaka, kata kawei kaba don hapoh shnong Bataw bad kawei pat kaba don hapoh shnong Lama, namar ba tang shu lip ka bor ding, te ka network ruh ka la jah bad katei ka la pynshitom ia ki paidbah kiba pyndonkam da ka network jio, khamtam ha ki thain nongkyndong kiba bun kiba pyndonkam beit da ka jio network.
Ki shnong kiba shaniah beit ha ka jio network ki kynthup naduh ka shnong Umsatai ter ter shaduh ka shnong Kwator- Borgkhat bad wat ki shnong ba don ha khappud kum ka shnong pyrsadwar,Hingaria ruh ki dang shaniah na ka tower kaba don hapoh shnong Lama.
Kumta halor kane ka bynta ka seng ka la dawa bad ha kajuh ka por ka la kyrpad ia ka company jio bad ia ki bor ba dei peit, ba kin sngewbha ban pynbha ia ka jingshakri jong ka khnang ba ki paibah kin ioh ban pyndonkam hok lane kan ym thut palat, ong ka kyrwoh kaba la phah lyngba U Bah S.Shadap President bad u NL Talang Genl Secy SBYWA.