Ujor ia ka kong Christable

Shillong,18 Iaiong:
Ka President ka CSWO ka kong Agnes Kharshiing ka la ujor pyr shah ia ka General Secretary ka CSWO ka kong Christable Wanniang bad ka la kynnoh ba dei ka kong Christable kaba la kynshoit ia u paidbah haduh ba la mih ki jingjia ia pynpra ing ha Wahswat. Ha ka 16 tarik mynta u bnai ka kong Agnes ka la leit ban ujor FIR pyrshah ia ka kong Wanniang ha Umroi PIC.
Lah ban pynkynmaw ba ha ka janmiet 14 tarik mynta u bnai ka la don ka jingjia ia pynpra ing ha Wahswat ha kaba haduh 4 tylli ki ing ki la shah pynpra , la kynnoh ba kitei ki jingjia ia pynpra ing ki la mih na ka daw jong ka jingiaknieh jaka hapdeng ka Raid Tynring.