Ujor ejahar u trai jong ka Rap’s department, pyrshah ia ki ba pynsaphriang khubor lamler

Shillong: U trai jong ka ka Rap’s Departmental Store MG Road Keating Road, u Bah M Rapsang mynta ka sngi u la ujor da ka ehajar pyrshah ia ki briew kiba la pynsaphriang ha ki social media ba ka jingkhang ia ka dukan ka dei na ka daw ba ki trai kane ka dukan ki leit sha Bethany Hospital.

Ia ka ejahar ka ba la ai mynta ka sngi sha ka Superintendent ki pulit jong ka East Khasi Hills District, u bah M Rapsang u la iathuh shai ba kat kum ka jingtip jong u, baroh kiba ha iing ha sem jong u kim shem leit sha Bethany Hospital ha kine ki bnai kiba la dep.

Na ka liang jong u bah M Rapsang u la iathuh ruh ba la phah lang ia ka mesej, kiba la saphriang ha Shillong ha kine ki ar lai sngi.

Da ka ba ong ba kane ka jingleh ka dei tang ban pynbud nam da ki katto katne ki riew shimet ia ka nam ka burom jong ka Rap’s Departmental Store bad ia ka ing ka sem jong u.

Na ka liang u Bah Rapsang, u la kyrpad ia ki bor pulit ban tohkit bad ban kem mardor ia kine ki briew kiba la pynbud nam ia ki.