Ujor ejahar ka kong Agnes Kharshiing, halor ka jingkhyllem ka kynroh ha Sohiong by-pass

Shillong: Ka kong Agnes Kharshiing, kaba dei kawei na ki nongialam jong ka CSWO bad ka riewpawkhmat ka jylla, mynta ka sngi ka la ujor da ka ehjahar halor ka jingdkoh treikam bad ka jingtorti halor ka jingshna ia ka kynroh ha Sohiong by-pass.

Ia kane ka ehjahar, la ujor da ka kong Agnes Kharshiing ha Mawngap police station hadien ka jingkhyllem jong kane ka kynroh ha by pass.

Ka kong Agnes Kharshiing ka la iathuh ba kane broh kadei tang ka buit bamsap, jingpyndonkam bakla ia ka fund bad ka jingthok ia ki paidbah. Ka la iathuh ruh ba kane ka buh jingma ruh ia ki paidbah kiba iaid ba ieng na kine ki lynti by pass.

“Nga buh ka jingkyrpad ba yn pyndep noh kloi ia ka jingtohkit ban lapdien ia ki briew ba dohkti ha ka jingpyntreikam ia kane ka kynroh, ia kiba ai plan bad kiba trei ia kane ka kynroh bad ban pynngat ia ki ha ka aiñ bad ruh ban pyngngat lang iano iano kiba pyrshang ban pynsangeh ia kane ka jingtohkit,” ong ka kong Agnes Kharshiing.