Ujor ba shah kren bein U Tirot Sing Syiem

Nga kum u nong file fir, kumta nga kyrpad ia kito kiba share iaka Application fir ha social Media ha kaba iadei ka jingujor pyrshah ia u/ka to u/ka ba Komen hakane ka link Facebook, da ki kyntien kiba ym lah ban pdiang, namar baka ktah shisha iaka burom ka Ri bad ka jaidbynriew jongngi, khamtam dalei lei ngim shah jem ba ki nongwei ne trai Ri ba kin kren beiñ ia u Khlawait ka Ri jongngi U Tirot Sing Syiem.

Namar kata nga kum u nongfile fir nga buh ka Jingkyrpad iaphi ki para Ri baroh ym dei ban share full details ia kato ka Application fir namar ka lah ban wanrah ka jingjia basngewsih ia ka longiing longsem jongnga, namarkata sngewbha shim iakane ka jingkyrpad daka ba burom iaphi wat nym share full details ha social media.

Haoid nga ieit ia la ka Ri bad ka Jaidbynriew namar nga iohi ka umsaw kala sdang ban wan tyllep iangi kumta halor kato ka Fir ngan ieng ialeh haduh ban da jop bad da lei lei ruh ngam nym kynran dien haduh ban poi shaka thong.

Ngam khang iaphi ban share, hynrei namar kat kum banga la dep pynbna ha ki laitylli ki WhatsApp group ha shwa bangan mih shakhmat nga la dep ong lypa ymdei ban share full details khamtam ia ki dur bala shon hakhmat ka police Station mynta ka sngi 12tarik mynta u bnai. Phi lah ban share ha social Media tangba phi dei ban share kum kane ka dur ba la dep kah ia ka address bad kyrteng jongnga.

Kumjuh ruh para Ri wat sngewthuh bakla banga kyrpad kumto namar banga kwah ban iaid shait shait ka kam taka daw.

Kane ka wei nga kwah ban pynpaw shaphi ki para Ri ba ngan ieng ialeh haban da jop daka jingstad ym daka thma namar u khulom u ba 10 tyngka, hynrei ka bor jong u ka long kaba khlaiñ bor bha haduh katta katta lada ngi nang ban pyndonkam. Kumta na ka liang jongnga nga la jied da u khulom ba un long kum ka Wait ka stieh ianga, bad ngan ieng ialeh haban da jop.

Kumjuh ruh nga ai khublei kyrpang iaphi ki para Ri ba phi la ai mynsiem ianga haka por banga ieng ialeh na bynta ka Ri bad ka Jaidbynriew, khublei Shibun iaphi baroh bad u Blei un btin lynti ianga iaphi ba nangne shakhmat ngi dei ban ia snoh kti lang ka wei kumba ka ktien ka ong “Tylli ngin ïeng, saphret ngin Kyllon” Namarkata la kyntu jur kum ka wei ka jaidbynriew ban ieng tylli lang kawei.

Khublei Shibun Khublei Shihajar Nguh. Kumjuh ruh ha kaba iadei bad kato ka fir nga don ka thong ban ioh ban kheit ia u soh bathiang ka jingjop, la ong ka kyrwoh na u nongfile Fir mynta ka sngi.

R5 Tv Channel