Shillong: U Election Agent jong ka Congress na Ummulong -Moodymmai konstitwensi u la ujor sha ki pulit pyrshah ia ki 2 ngut ki briew jong u kyrtong shimet bad la kynnoh ba ki la pynban pisa ia kawei ka longkmie ba kan thep vote. U bah Klinsman Lamare u la ujor ha Ummulong Beat House pyrshah ia u Briwon Pohshna na Ummulong bad u Welly Muksor u DSP ba la shongthait.
U la kynnoh ba kitei 2 ngut ki la pynbam pisa T.3000 tyngka ia ka kong Mira Pyngrope kaba na ka shnong Wahrymbai ba kan thep ia u bah Charles Wilson Muksor, u kyrtong shimet. Katei ka jingjia ka la jia ha ka 20 tarik mynta u bnai bad la ujor ha ka 23 tarik mynta u bnai. U bah Lamare u la dawa na ki pulit ba ki dei ban pynshitom ia kitei ki 2 ngut naba ki la pynkheiñ ia ka model code of conduct bad u ong ba u don ruh ka sakhi da ka Video ring dur.
Phi don ban ong eiei?