Ujor ba dawa pisa T.5 lak, U President JYF

Shillong,16 Iaiong:
U Ma Don Rymbai u CEM barim ka JHADC u la ujor sha ki pulit ka Jowai PS ba ha ka 11 tarik u lber,2014 ha ka por 8:40 baje eiei janmiet, u President ka Jaintia Youth Federation (JYF) u bah Pynpoihun Majaw u la leit sha ing sah jong u kaba don ha Khlieh Tyrshi , u la leit da ka kali Maruti Car jong u kaba don ia u nombar ML 05E-1824, bad u la dawa pisa haduh T.5 lak tyngka. Ha ka 4 tarik u iaiong u Ma Don u la ujor ba u President u ka JYF u la dawa pisa biang lyngba ka phone na u Polling / Counting Agent jong u uba la tip kyrteng kum u Esterwis Ryngkhlem ha ka por ba ka JHADC elekshon ka dang iaid. U la ong ruh ba haba u bah Ryngkhlem u la kyntait ban siew ia katei ka pisa u President ka xJYF u la byrngem ban pynthohbria ia ka kam sain pyrthei u Ma Don. U Ma Don u al iathuh biang ba mynta ka sngi u bah ryngkhlem u la ioh ia ka SMS na u bah Ryngkhlem uba la dawa biang T.5 lak tyngka na u. Ki pulit ki dang iaid shakhmat halor katei ka kam.