Ujor ba byrngem thang iing U Sordar

Shillong,18 Naiwieng:
U Nintu Kuri na ka shnong Lyngkhat (EKH) u la ujor sha ki pulit ba u Sordar ka shnong Lyngkhat bad ki kynhun jong u ki la byrngem byrsit ia ka ing ka sem jong u. U la ujor ruh ba u Sordar u la ai por ia u hapoh lai sngi ban mih noh na ka shnong Lyngkhat lym kumta kin thang ia ka ing bad ka dukan jong u. Ki pulit ki dang pynlong ka jingtohkit ia katei ka jingjia.
Ha kawei pat ka khubor, mynhynin ka sngi ka 17 tarik u Naiwieng ki runar ki bym lah ban tip ki la shoh la dat ia uwei u samla ha Pynursla, utei u samla u dei uba la tip kyrteng kum u Armeson Khongsar bad u la mynsaw jur , la pynkit ia u mar-mar sha Woodland Hospital shillong. Haduh ba thoh ia kane ka khubor ki pulit ki dang pynllong ka jingtohkit ban lap ia kiba donkti.