Ujor ba bylla ka khynnah 11 snem

Shillong,13 Rymphang:
Ka kong Agnes Kharshiïng President CSWO mynta ka sngi ka la ujor hapoh Laitumkhrah Police Station ha kaba ka la kdew ba ka la ioh jingtip ba ka don kawei ka khynnah rit kaba shah pyntrei bylla bad kaba shah lehbeiñ ha kawei ka ïng ha Nongrim Hills, Shillong kaba don hajan jong ka J.J’ s Cables.
Ha katei ka jing ujor, ka la kyntu ia ki pulit ba kin phah noh wut wut ia ka kynhun pulit jong ki ban leit pyllait ia katei ka khynnah bad ban ialam lang ruh ia ki dkhot ka CSWO ban leit kdew ia ka khnang ban pyllait ia katei ka khynnah 11 snem na katei ka apot. Ka la thoh ruh sha ki pulit ba lada ki lap ba katei ka khynnah ka phla kumba la kynnoh ki de ban pynshitom ia ka trai ing katkum ki kyndon aiñ.