U MJ Akbar, uba dei u myntri khynnah ka tnad iada ri, ula shah kynnoh, ba ula ju jrong kti kynthei, ha ka por ba u dei u nongthoh kotkhubor.
Ka Priya Ramani, kawei na ki nongthoh khubor, ka pynkynmaw ia ka artikel, kaba ka la pynmih ha u snem 2017, ha kaba ka ong ‘We’ll get you all one day’ bad katei ka jingthoh ka thew shaphang U MJ Akbar.
Ka Ramani, ka iathuh ba ha ka por ba ka leit shah interbiw, na ka bynta kawei ka kam, ha kaba ka la shah khot interbiw ha kawei ka hotel. Ha katei ka jingleit shah interbiw, la iathuh ba U Akbar, u dei da ka kyiad bad ula bthah ia ka, ba kan shong hajan jongu.
Ka Ramani, ka iathuh ba U Akbar, ula khot trei ia ka, na ka bynta katto katne bnai, hynrei, ka la thoh shuh ha ka twitter jongka, da kaba ong “Nga la mad bad ngam ju don shuh ha ka kamra ba don jingthiah bad phi”.
Ka Shuma Raha, kawei na ki nongthoh khubor, ka kam ba ka la mad ia kaba kum katei ka jingjia, ha kaba ka la ia kynduh ia U Akbar ha kawei ka hotel ha Kolkata. “Ka jingleit interbiw, da kaba shu ia shong lang halor jingthiah bad nangta sa ka jingshah khot sngewbha ban ia dih ha ka por mynmiet, ka dei ka bym sngew iahap satia” ong ka Shuma.
U Akbar, um don mynta ha India, ha kaba u don ha ka jingialang ha Abuja, Nigeria bad um shym la kynthoh eiei satia, haduh ba thoh ia kane ka khubor.