Shillong: Ki arngut ki MLA jong ka seng BJP, kiba kynthup ia U Bah Sanbor Shullai bad U Bah AL Hek, ki la ia shim bynta ha ka jingialang jong ka BJP ha madan Ram Lila, ha New Delhi bad ha katei ka jingleit jong kitei ki arngut, ha ryngkat bad U Ma Shibun Lyngdoh, President jong katei ka seng, ki la buh ia ka dorkhas sha U Narendra Modi, myntri rangbahduh jong ka Ri, ha kaba ki pynpaw ia ka jingpyrshah jur jongki ban pyntrei kam ia ka ain buhai shnong ki poiwir lane ka Citizenship Amendment Bill, 2016. Kitei ki arngut, ki la phah ruh ia ka kopi jong katei ka dorkhas jongki sha U Conrad Sangma, myntri rangbah ka Jylla.
