Ud ki mahajon ka nongbah, ba khang ka khaii dewiong

Shillong, 20 Naitung: 
Ka jingiaid lynti ka sorkar NDA ba la ialam da uNarendra Modi kum u Myntri Rangbahduh ka ri, ka long shi snem eiei mynta hadien phew snem ba la synshar da ka sorkar ba ialam da ka Congress ha ka ri.
Haba twad jingmut na kiba bun ki nongkhaii heh spah ha kane ka nong bah, ki la pynpaw ba kim pat sngew nang ban batai ia kajingtreikam kane ka sorkar NDA jong u Modi namar ba ka dang don tangshi snem eiei ban synshar ia ka ri.
“Ngim pat sngew nang ban ong eiei halor ka jingtreikam kane ka sorkar NDA ha kaba iadei ki polisi ba iadei bad ka khaii pateng”, la ong utrai ka Uncle Shop haba iakren bad u Rupang mynta ka sngi.
U la ong ba baroh ka sorkar kam dap her than haba iakren ia kane kajylla Meghalaya kumba ka long mynta hynrei sha kiwei ki jaka bah eh kari India kum sha Bihar, Uttar Pradesh, Maharashtra bad kiwei lehse kajingkylla ka don ha kane ka sorkar u Modi.
U trai ka Uncle Shop, u la ong ba kawei kaba ktah ia ka khaii patengbad ka ioh ka kot ha kane ka jylla, ka dei namar ka jingkhang khaiidewiong ha kane ka jylla. Ha Meghalaya ka ktah bha ka iew naduh ba lashah khang khaii dewiong. “Ki briew na thain Jaintia Hills ki la khamkynjah ban wan thied ban peit puk puk kumba long ha ki snem ba la depha ka por ba dang iaid iew ka jingkhaii dewiong”, u la ong.
U la ong ruh ba ia ka jingioh pisa ka jylla na ka sorkar pdeng, kiophisar sorkar ki tip bha kumno ki ioh pisa bad katno ki la ioh na kasorkar pdeng.
Katba uwei pat u nongkhaii heh spah ka jylla u SS Paul u la pynpawkumjuh ia ka jingsngew halor kane ka sorkar NDA. U la ong ba ka sorkarka dang don tang shi snem bad ka shem jingeh ia u ban kren kynthoh iaka rukom treikam jong kane ka sorkar pdeng.
U la ong ba ka daw ka jingwan ka NDA ha ka bor ha ka sorkar pdeng kadei namar ba ka Congress kaba synshar ha ka ri bun snem, ka la juborpalat ka jingbamsap kaba la pynlong ia ki paidbah ban kiar noh na ka. “Ha ka jingiohi jong nga te, ki politishian ki dei kumjuh, ki kular ia ka bneng ka khyndew hynrei ki heh tang ka nia”, u la ong.
U la ong ba ia mynta, kin peit shwa ia kane ka sorkar katto katnesnem bad hadien ar snem eiei la kham lah ban lap ia ki kam ba sniew nebabha jong kane ka sorkar.