Uba shah pyniap, uba na Mankachar

Tura, 23 Jylliew:
Uwei uba la shah pyniap ha ka jingbom u paidbhur ha Tura, la tip kyrteng ba u dei U Akabbar Ali Sk, u khun jong U Azimuddin, na ka shnong Teldhala jong ka Mancachar, Assam. Ka sorkar Jylla, ka la siew mardor ia ka bai lutksan, kaba long T.3lak sha ka kurim jongu, ka Asia Khatun, la iathuh da U DC West Garo Hills, U Pravin Bakshi. La shimti ia ka met jong uba iap da ki 200ngut kiba wan bad ka iing ka sem jongu, ha ryngkat bad arngut ki Additional SP kiba na Assam.
La iathuh ba ia kawei ka khynnah, kaba don jingduna ka met, kaba la antad, ba ka dei kaba la shah bat bor, hynrei la iathuh ba kam shym la shah bat bor satia, hynrei, ka la shu shah leh jrong kti, ha kitei ki bar Jylla.
Ka korphiw mynta ka sngi, la pynjynsur haduh phra kynta, kaba sdang naduh 9baje mynstep haduh 5baje janmiet. Hynnin ka sngi, la pyllait ia ka korphiw tang 5 kynta.
Ki lai ngut kiba la shah ktah kti, ha u paidbah, ki don mynta ha ka jingshah sumar ha ka hospital ha Guwahati bad katei ka dei hadien ba ki la shah kynnoh ba ki leh jrong kti ia katei ka thei samla, kaba don jing anna ka met.