Shillong: U President ka All India Congress Committee (AICC) u Rahul Gandhi myn hynnin ka sngi u la thung ia ki 3 ngut ki MLA Congress na kane ka jylla kum ki Secretary ka AICC. Ki 3 ngut ki MLA kiba la shah thung kum ki Secretary ki long u Zenith Sangma, u bah Charles Pyngrope bad ka kong Ampareen Lyngdoh. Ia u Zenith la pynkhamti ba un peit ia ka jylla Arunachar Pradesh, u bah Charles ban peit ia ka Manipur bad ka kong Ampareen ban peit ia ka Mizoram.
Ha katei kajuh ka shithi thungkam u Rahul u la Victor Keishing na Manipur ban peit ia kane ka jylla Meghalaya. Kiwei pat kiba la shah thung ki long u Pradyut Bordoloi na Assam ban peit ia ka Nagaland, u Pradyot Deb Barman na Tripura ban peit ia ka Sikkim, u Bhupendra Kumar Borah na Assam ban peit ia ka Tripura, u Sudhir Sharma na Himachal Pradesh ban peit ia ka Jammu and Kashmir bad Dr.Sirvella Prasad na Andhra Pradesh ban peit ia ka Tamilnadu.