U synsar T.90, u sla tyrpad T.37 shi kilo ha Iew Mawiong

Shillong, 12 Nohprah:
U sla tyrpad ha Iewdielang Mawiong u la kiew dor sha ka T.37 shi kilo ha kaba ia nujor bad ka dor ba mynshwa.
Kine ki sla tyrpad ki don la ka jong ka jong ka dor don kiba kham tad bad don ki rem. Katba u synsar u shong dor T. 90 shi kilo hynrei ha kine ki
bnai, ym pat don synsar bad uba thymmai u ju wan ha u bnai Lber jong
ka taiew ba nyngkong lane ha ka taiew ba khadduh jong u Rymphang.
Haba iakren bad uwei u manager ba thoh ha Iewdielang, u la iathuh ba ki sla tyrpad kiba kham rem ka dor ki la poi sha ka T.37 shi kilo ba shi nombor katba mynshwa uba shi nombor u shong dor T. 35 shi kilo.
Uba kham tad dor duh u shongdor T.32 shi kilo bad shi kwintal u
shongdor T. 3200.
Une u Manager u la iathuh ba ki dor jong ki sla tyrpad ka long katkum
ka jingbha jong ki sla bad ki don lai jait katkum ka jingbha jongki.
U la iathuh ba ki sla tyrpad kiba kham remdor bad kiba kham bha laju wanrah na ki thain Mawsynram,thain Balat bad na Pynursla ka khamduna dor bad ia kine ki sla tyrpad ki ju shalan sha Guwahati bad nangtei kin sha shalan shabar.
Haba kylli kum kiei kiba kham tad dor bad kibarem dor, la iathuh bakiba kham rem ki dei kito ki sla bym don dieng bad kiba kham tad kidei kito kiba bun dieng. Kumba ju tip ban a une u sla tyrpad la ju lah ban shna ban shet ha kiba bun rukom, bun na ki briew ki ju shna ki musli musla na une u slabad ha kiba bun rukom.
Ia ki sla tyrpad ki kham bha la kham shem na ki thain Mawsynram badPhlangwanbroi. Ia ki sla tyrpad la wan die na ki thain Shella, Dawki, Pynursla bad kiwei kiwei de ki thain.
Shi sngi ka jingwan poi ki sla ha katei ka Iewdielang ia mynta, ka long kumba 3-4 trok, la iathuh utei u manager.
Ha kane ka iew Dielang (regulated market) ba la buh ka sorkar deitang lai tylli ki mar rep kiba kongsan kiba la wan die ha katei ka iew kita ki long tang u Phan, Synsar bad u Sla Tyrpad. Ki don ruh kiwei kiwei ki mar rep hynrei la wan die tang ha ki por ki por aiom bad kim long baroh shi snem lynter.