U Symbud MR, u khlem pule bha ia ka ain Pandemic Act 1897:Zenith  

Shillong: U Secretary jong ka All India Congress Committee, u Zenith Sangma, mynta ka sngi u la ther kylla ia u Symbud Myntri Rang bah ka jylla u bah Prestone Tynsong, da kaba kynnoh ba u Symbud Myntri Rangb ah u khlem pule bha ia ka ka ain jong ka Pandemic Act 1897, kaba la kren shai ba kat kum kane ka ain ka sorkar kan ym ngat hapoh ki iing bishar.

Kane ka long hadien ba na ka liang jong ka seng Congress, ka la dawa na ka sorkar jylla ba ka dei ban pynpaw ia ki kyrteng jong ki nongpang Covid-19 khnang ba ki briew kin lah ban iada ia lade na kane ka jingpang. Hynrei haba jubab ia kane ka jingdawa ka seng Congress u bah Prestone u la jubab ba ka sorkar kan ym lah ban ai ia ki kyrteng jong ki nongpang, namar ba ka ktah ia ka kyndon trei kam ki doctor ba la tip kum ka Medical Ethics.

Halor kane u Zenith Sangma, u la ong ba lada pyntreikam ia ka pandemic Act 1897, kane ka ain kan long halor; kumta na ka liang  u nongialam ka liang pyrshah u la dawa na ka sorkar ban long shai halor kane, wat hapoh ka iing dorbar thawain ka jylla.

U Zenith Sangma  u la ong ruh ba katkum ka ain Pandemic Act 1897, la ai bor ia ka sorkar ban leh ia kaba don kam bad ka sorkar jylla kan ym ngat ha ki iing bishar.

Haba kren ha ki ladpathai khubor ha Tura, u la ban biang ban ia khun pyrshah ia u khniang jingpang dei ban iathuh ia ki kyrteng kiba la ioh ia u COVID-19 ba ki paidbah kin nang ban kiar.

U la buh ruh ka jingkylli ba hapoh kano ka ain kaba la khang ia ka hok ki paidbah ban iaid ban ieng, hato kam dei da kaba pyntrei kam ia ki kyndon hapoh jong kane ka pandemic Act 1897. 

U la ong ruh a jingdawa ba dei ban iathuh ia ki kyrteng kiba ioh ia u COVID-19, ka long ban iada ia ki briew na kane ka khlam.

U la ong ruh ba ka jingialeh ban khanglad ia ka jingsaphriang u ne u khniang jingpang kam dei tang ka sorkar marwei, hynrei da ka jingiatrei jong baroh. U la ong ruh ba  ka WHO ka la pynbna ba Carona Virus ka dei ka khlam bad ka sorkar pdeng ha ka 14 Lber 2020 ka la pynmih ia ka jingpynbna sorkar ba ka dei ka jingpang kaba jubor jong ka pyrthei “Disaster”.