U snem ba kut 8, dei u snem jong ka UDP: Snaitang

Shillong, 3 Rymphang:
“U snem ba kut 8, dei u snem jong ka UDP” ong U Bah GG Bung Snaitang, uba dei uwei na ki nongialam jong ka seng UDP ha Ranikor Constituency.
Ha ka jingiakren bad U Rupang, U bah Snaitang, u ong “U Ending 8, u dei u snem jong ka UDP” bad ula pyni nuksa, ia ka elekshon 1998, ba ka wan ka sorkar UDP, nangta, ia ka elekshon 2008, ba ka wan hi ka UDP bad nangta ruh ia ka elekshon 2018.
Ha kawei pat ka khubor, U Bah Snaitang u ong ba ka UDP na Ranikor, ka la pynkhreh shait shait mynta, ha kaba kan sei paidbah ia u kandidet jongka, ha kaba kut jong U Lber mynta u snem, kaba long katba kum ka jingkwah jong ki nongialam ka seng kmie UDP. U Kandidet, uba ka seng, ka la ibit mynta ka kynti, u dei u Bah Pius Marwein, ha kaba un iakhun pyrshah ia U Martin Danggo, na ka seng Congress, ong U bah Snaitang.
Utei u nongialam, u kam ruh, ba ki don bun ki nongialam jong ka seng Congress, kiba la wan mynta ka kynti ban kyrshan noh ia u kandidet jong ka seng UDP.
Na ka liang jong U bah BM Lanong, u nongialam jong ka seng UDP, haba la kylli halor ka jingsngew jong U bah Snaitang, ula ong “Ka lynti ka ialam shata, hynrei lada ki paidbah, kim ia don bynta lem, ka lawei ka long kaba dum”.
U bah Bindo, wat la um da iahap eh, ia ka jingmut jong ki number kiba kut ha u 8, hynrei u ong “Ngam ong ia u ending 8, tangba nga ong 2018”.