U snem 1961, dei u snem ot kyrteng, ban pyntreikam ia ka ain ILP ha Manipur

Imphal: Ka sorkar Manipur, ka la mynjur, ban pyntreikam ia ka snem ot kyrteng, kaba dei naduh u snem 1961 bad kito kiba buhai shnong, hadien jong ute u snem, kin hap ha ki kyndon jong ka Inner Line Permit (ILP). “La mynjur ia u snem 1961, kum u snem ot kyrteng, na ka bynta ban ithuh kum ki trai shnong, katba ia kiba hadien, ban pyntreikam ha ki kyndon jong ka ILP” ong U Letpao Haokip, myntri jong ka sorkar Manipur bad ia katei ka rai, la shim ha ka jingialang jong ka kynhun ki myntri jong ka sorkar Manipur, kaba la long ha ka Sngi Balang.

“Na bynta ki kyndon kiba iadei bad katei, yn sa pynmih shen, da ka sorkar Manipur” ong U Haokip.

Ka dei ha U Nohprah jong u snem 2019, ba ka sorkar India, ka la mynjur, ban pyntreikam ia ka ain ILP ha Manipur, ha ka por, ba pyntreikam ia ka Citizenship Amendment Bill (now Act). Kane ka dei, katba kum ka kyndon jong ka section 2 and section 4 jong ka Bengal Eastern Frontier Regulation, 1973 (Regulation 5 of 1873). Ka ain jong ka ILP, ka treikam ha Manipur, ha ka 1tarik Kyllalyngkot, 2020.