U slap uba jur tam ha ki 24 kynta

Shillong, 19 Naitung:
Ki 24 kynta ba ladep, ki dei ki kynta kiba jur slap tam ha ka nongbah Shillong, ha kaba ka jinghap slap, ka la poi sha ka 83.8millimetre, ong ka khubor na ka tnat peit mariang jong ka sorkar India, ka India Meteorological Department. Wat la ka jinghap slap, ka kham jur hi mynta u snem ruh, ha kaba ka jing jur jong u slap, ka poi sha ka 40 milimetre duna ha kiba bun ki sngi; hynrei ka jinghap slap, ha ki 24 kynta ba la dep, ka dei kaba jur tam ia une u snem uba mynta.