U Sidharth Shukla, u nongjop ha ka jing iakob Big Boss 13

U Sidharth Shukla, uwei na ki aktor telebishon, u long u lahduh ha ka jingiakob Bigg Boss 13. La pynkut ia katei ka jingiakob hynnin ka miet, da kaba U Salman Khan, ula ai ia ka khusnam lem bad ka cheque kaba T.50lak sha U Shukla. Ha katei ka jing iakob, U Asim Riaz, u dei uba wan ba ar.

Kam shym la long satia kaba suk ia U Sidharth Shukla, ha katei ka jingiakob, namar ba ula ju shah sin bad shah woh nia shibun halor ka jingdon bad ka jingshim bynta jongu ha katei ka jingiakob, hynrei U Sidharth, u iakhun tyngeh ialade na ka bynta ban ioh rah ia ka nam jop. Shisien, ula shah mai ruh ha U Salman Khan, namar ba u kren khor palat bad ula shah mai, ba u dei ban nym long uba khluit khlieh.

U Sidharth Shukla, u pyni ruh ha katei ka jingiakob, ba u long u paralok uba iarap ia kiwei bad u ju iarap bha ia U Asim Riaz bad nangta u iarap bha ruh ia ka Arti Singh, kawei na kiba iakob lang ha katei ka lympung bad u iajan bha ruh bad ka Shehnaaz Gill.