Shillong:U samla Paiasesful Pachiang, uba don 23 snem ka rta, u dei na ka shnong Moolamylliang, ula oh shrong ia ka dur da ka dieng ia ka dur jong U Donald Trump, U President barim jong ka America.
U samla Paiasesful, u dro ia ka dur jong U Trump, da kaba oh shrong da ka dieng. Utei u samla, u iathuh, ba u dei uwei na kiba sngew ieid bha ia U President barim ka America.
“Nga dei uwei na kiba ieid bha ia U Trump bad nga kwah ba ngan iakynduh ia u, shisien ka sngi” ong utei u samla. U samla Pachiang, u iathuh ruh, ba u don ka jing angnud ban long u myntri rangbah jong ka India, ha ki por ki ban sa wan.
Ka shimpor haduh shiteng snem, ia utei u samla, ba un pyndep, ia katei ka jingdro, namar ba u sdang ha ka 3tarik Kyllalyngkot 2022 bad u pyndep, ha ka 2tarik Jylliew, 2022. U samla Pachiang, u dei uba dang pule ia ka tnat ain ha Shillong Law College.
Phi don ban ong eiei?