U samla Bisharlang Pyngrope na ka shnong Mawlyngad kaba hap hapoh ka East Khasi Hills District, bad u ba la trei teng kum u Principal jong ka T.M.T Higher Secondary School, Pfütsero, Nagaland bad u ba trei mynta ha St. Michael’s Higher Secondary School, Umsning u la shah pynrung ha ka kynhun jong ka All India Education Forum (AIEF) kum u convenor jong ka jylla Meghalaya da ka National Executive Council ha ka 22 tarik u bnai Naiwieng 2020.
Ka All India Education Forum ka dei ka kynhun jong ki nonghikai kiba hikai ha ki skul bapher bapher kiba don ha baroh kawei ka ri India. La seng ia ka AIEF da ka jingthmu ban long ka rynsan kaba ïadei ïa baroh ki nonghikai kiba ai jinghikai ha ki skul bapher bapher kiba don ha ri India, ban wanrah ïa ka jingïaphylliew jingmut kaba bha tam ha kaba ïadei bad ka jingai jinghikai ha ki jaka pule jong ngi, ban pynbha shuh shuh ïa ka pule puthi ha ki liang bapher bapher, ban pynïar shuh shuh ïa ka kam shakri ha kaba shna bad thaw ïa ki ain na ka bynta ka pule puthi, ban pynïasoh bad ïatreilang bad kiwei pat ki kynhun kiba don ka jingkit khlieh ha ka ban kyntiew ïa ka pule puthi bad ban ïada ïa ki hok jong ki nonghikai ha ka ri India.
Ki nongtrei kam jong ka AIEF ki kynthup ïa u National Chairman, u Dr Zavise Rume, Professor, SCERT, Nagaland, Kohima bad u President jong ka Nagaland Education Association, Kohima bad State Convenor bad u President jong ka Indian School Psychology Association (InSPA), u Deputy Chairman, u dei u Rajendra Prasad, u Principal jong ka Smart Modern School, Amapalayam, Tirupur, Tamil Nadu bad u Chairman jong ka International Confluence of Educational Excellence, u Dr. Harshvardhan Kumar, u nongwad jingmut jong ka UNICEF, Jharkhand bad u Director jong ka Beni Educational Solution bad Technologies Foundation, New Delhi, ka Secretary jong ka AIEF ka Professor Lalbiakdiki Hnamte, Department of Education, Mizoram University Aizawl bad President Mizoram Educational Foundation, u Treasure jong ka kynhun u Dr. Sandip Ratna, Assistant Professor, State College of Teacher Education Kohima, Nagaland. Ka Board jong ki advisor jong ka AIEF kiba kynthup ïa u Dr. Daya Pant, Professor bad u khliehduh jong ka Department jong ka Educational Psychology bad Foundation of Education, NCERT, New Delhi, Professor Ibadani Syiem, i khliehduh jong ka Department jong ka Education, North Eastern Hill University (NEHU) Shillong bad i treasurer jong ka North East India Education Society, H.Q. NEHU, Shillong, u Dr. Sanjeev Rai, Assistant Professor, Department jong ka Education, Ambedkar University, Delhi bad Tata Institute of Social Sciences, Education Consultant bad Development Sector Advisor hapoh India bad shabar ri, u nongthoh bad u nonghikai bad U Shanavas C. IAS, Principal Director, ka tnat pule puthi jong ka sorkar, Nagaland.
U samla Pyngrope u dei u ruh u ba la ïoh pdiang ïa ka Bharat Shiksha Ratan Award ha u snem 2014, District Teacher’s Award 2015 na ka tnat jong ka pule puthi, ka sorkar Nagaland, Indira Gandhi Priyadarshini Award 2015, Best Indian Educationist Award 2016 bad State Level Teacher’s Award 2016 na ka tnat jong ka pule puthi, ka sorkar Nagaland.
Phi don ban ong eiei?