U samla ba pule Chemistry, u thaw droks, ioh kurup, uba shongdor T.1,400klur

Mumbai: Ki pulit ka Mumbai, ki la ioh ban kurup ia 700 kilogram u mephedrone, uba shongdor T.1,400 klur, ha ka jingleit khynra jongki, ha Nalasopara jong ka Palghar district bad ki la kem ia 5ngut ki briew, ba kynthup ia uwei u samla, uba la pyndep ia ka post-graduate ha ka organic chemistry.

“Saw ngut na kitei, la ioh kem na Mumbai, katba uwei pat, ula shah kem na Nalasopara” ong ka khubor sorkar bad utei uba shah kem na Nalasopara, u dei u samla, uba la pyndep ia ka kyrdan post-graduate ha ka organic chemistry bad u pyndonkam da ka jingstad jongu, ban shna ia u droks. La iathuh ba kane ka jingioh kurup, ha kane ka sien, ka dei kaba heh tam, ha ki khyndiat snem ba ladep.