U Rangbah shnong thymmai ka Umdihar

Nongpoh: Hadien ba la kut ka samoi treikam ki nongialam shnong barim, ka Dorbar shnong Um dihar, ha ka sngi Saitjain ka la ioh ban jied pynthymmai ia baroh ki Nongkitkam hapoh katei ka shnong bad lyngba katei ka sngi, ki paidbah ka shnong ki la jied ia u Bah Romel Lyngdoh ba un long kum u rangbah shnong ka Umdihar.

Ki la don ar ngut kiba la iakhun na ka bynta ban iohlong Rangbah shnong, kata u Bah Romel Lyngdoh bad u Bah R.B Shadap, hynrei ha ka jing iajied ki paidbah ka shnong, la bun ki paidbah ki la jied ia u Bah Romel Lyngdoh, ha kaba u la tam la jan mar shiteng ia u Bah R.B Shadap.