Ka Sapna Chaudhary, ka aktres Bhojpuri, ka la leit pyniasoh ialade sha ka seng Congress bad ka jingleit jong katei ka aktress sha ka seng Congress, ka la pynlong ai U MLA jong ka seng BJP, U Surendra Singh ba un kynthoh tyngeh ia katei ka aktress.
U Surendra, ha ka video, kaba ula phah sha ka ANI, ula ong ka Sapna, kam iapher ka jinglong jingim jongka, na ka Sonia Gandhi bad kitei ki don kajuh ka jait kam ba ki trei. U Surendra, u ong ba ka kam jong ka Sapna, ka long kum ha ka por ba ka Sonia ka dang don ha Italy.
U Surendra, ula ong ia U Rahul “Phi dei ban pdiang ban ia poi kha noh bad ka Sapna, kumba u kpa jongphi, ula pdiang ia ka kmie jongphi” (“Rahul ji ki Mata ji bhi Italy mein isi peshe se thi. Jaise aapke pitaji ne Sonia ji ko apna bana liya tha, aapne bhi Sapna ko apna bana liya hai,“) U Surendra, u ong shuh ba u iohi ba U Rahul, ula ngiah mynta ia ka politiks, hynrei, ula sngew bang ban phai khmat ia ki nongshad ba kin ialeh politiks bad U Singh, u ong ba kane ka Ri, kan nym pdiang satia ia ki nongshad ban leh politiks, khamtam haba U Narendra Modi, u dei u nongialam bad u briew uba khuid bad uba lui lui. U Singh, u ai jingmut ruh ia U Rahul, ba un ia poi kha noh bad ka Chaudhary bad ba un sngewhun shi katdei, namar ba ka kmie jongu bad katei ka tnga kaba un sa ia shong, ki dei kiba don ia kajuh ka jait jinglong jingim jongki.
Ki briew BJP kiba kumne suda ki tuklar sha khmat ki tuklar shadien ki tynruh sha kamon ki tynruh sha kadiang. Balei ki mushlia ki la tieng ki la sngewthuh ba ki la thok la shukor ia lade ki mut ba kiwei ruh ki long kumjuh. Kiba sniew ia lade ki pyrkhat ba baroh ki long kumjuh.