Shillong:U President ka party Voice of the People Party (VPP), u bah Ardent Miller Basaiawmoit, u la kynnoh ba ka jingong jong u hehduh ki RSS, u Mohan Bhagwat, ba baroh ki dei ki Hindu namar ba ki shong ki sah ha Bharat, ka dei ka jingkren kaba don bad ka jingthmu sniew kaba na shapoh.
Ha ka kyrwoh kaba u la phah u la ong “Ki paidbah ki dei ban da pule bad puson bha ïa kane ka jing kren ka thew shano. Lada ngi la pule bad pynshong nong rim bha, kane ka thew beit ïa ki Khristan”.
U la bynrap ruh “U kwah ban ong ba ki trai ri trai muluk jong kane ka jylla ki dei mynshuwa ki Hindu kiba hadien ki la shah pynkylla noh sha ka niam Khristan bad u kwah ruh ban wanrah ïa ka jingïapait hapdeng ki jaidbynriew trai ri jong kane ka jylla lyngba ka jingkren jong u”.
U bah Ardent u la ong ruh “U pyrshang ban pynngeit ïa ki trai ri trai muluk ba ka niam tynrai jong ki kam don jingïapher eiei bad ka niam Hindu”.
U bah Basaiawmoit u la kyntu “Ngim lah ban shim sting na kane ka jingkren jong u,bad ka long kaba donkam ïa ki para ri ban long kiba husiar bad kiba peitngor bha bad ban nym shah ïalam bakla ïa kane ka jingkren ba khlem nongrim bad bym shongnia da une u nongïalam ki RSS”.
U la kdew ruh “Ka long kaba dei ban kynmaw ba shuwa ka jingwan ka niam Khristan, ki trai ri trai muluk ki la don la ka jong ka jingngeit bad ka niam ka rukom kaba iapher bak ly bak na ka rukom ngeit bad rukom hikai ka niam Hindu, ki trai ri ki mane ïa U Blei ba im ym ïa ki blei thaw, kumta ym lah ban pynïasyriem ïa ka jingngeit ka niam Khasi bad ka jingngeit ka niam Hindu wat tang khyndiat ruh”.
“Kum u Khristan, ngam ju kam mynno mynno ruh ba Meghalaya ka dei ka jylla Khristan, namar ba ka jingngeit bad ka niam ka dei kam jong u briew shimet bad kam don jingïasnoh bad kano kano ka jaidbynriew ne ka ri”u la ong.
U la bynrap ruh “Ka long ruh kaba beaiñ ban kam ba ka Meghalaya ka dei ka jylla Khristan, lane ban ong ba ka India ka dei ka ri ki Hindu bad nga kyntu ba ngin ïeng pyrshah ïa kano kano ka jingthmu ban wanrah ka jingïapait ïapra ha ka kyrteng jong ka Niam, ngin nym ïapeit iwei ïa iwei da ka jingsngew niam, hynrei ban ban ïaleh tyngeh ban pynneh pynsah ïa ka jingïalong kawei jong ka jaidbynriew bad ka ri”.
Hd kadei kumba phi ong,, ngi ki Niam Khasi ngim don jing iadei ei2 ruh bad ka Niam Hindu,, hynrei ngi donkam ban iadei paralok na bynta ka jingbha, namar ka jingiadei paralok bad kiwei pat ki Jaitbynriew kadei ka hok Blei,, ong ka ktien Blei,,,Ban iadei paralok bad kiwei ki Jaitbynriew kadei ka hok Blei, hynrei ban mushlia ia ka hok jong kiwei kadei ka pap bah, tangba to iadei paralok da ka jingstad bad husiar,,
Watoh me u Kristan ite te pyrchah mi .niawrem mi wa ong u heh RSS kamtu jait , watoh hi te . U wa tip ia ka history iong ka ri India te ong u/ka ka Hindu toh ka niam iong ka ri India iong i . Tang ka ri iong pdiang bait. Ko kat wa em ke niam leh hapoh ka ri iong i . Tang ha jylla iong (Meghalaya) da bun phi Kristan te leh heh te pyrchah phi ia ka watoh . RSS KUCHAPHRANG 👍👍💪💪 RSS Ïeng ko hanongrim ,,,,,. Bharat mata ki 🙏