Shillong:Ka United Domocratic Party (UDP) kaba ia trei lang bad ka sorkar Megha laya Democratic Alliance (MDA) kaba la lam khmat da ka National People Party (NPP) hapoh ka jingialam u Conrad K Sangma kum u Myntri Rangbah kila dep ban phah naduh u snem 2020 ia ka jingthoh sha ka sorkar ha kaba iadei bad ki mat kiba la sahteng lah slem bha bad kawei kadei halor u pud u sam.
Haba ia kren bad u Bah Metbah Lyngdoh uba dei u President jong ka UDP u la ong, “Kumba long mynta u sngewtynnad ka sorkar kala shim ia ka sienjam bad kane ka pyni ba ka don ka jingkit khlieh halor kane bad nga sngew ruh ba kum ka jylla ngin rakhe ia ka jingdap 50 snem jong ka jingioh ia ka jylla ba pura kan kalong kaei kaei kaba ngim pat lah ban pynbeit ia u pud u sam jong ka jylla bad ka Assam kiba don hapdeng ka jingia kajia pud.
“Nga iohi ba kane ka dei ban bteng bad ngin pyrshang ba la kumno kumno na ka party ban dang iai ai ka jingkyrshan ka jong ngi ba na ka liang jong ka sorkar hapoh ka jingialam jong u Conrad K Sangma kum u Myntri Rangbah ba un pyrshang ban pyndep ia kine ki kam kiba la sahteng” ong u Bah Metbah.
Ha kaba iadei bad ka ktien khasi u Bah Metbah u la ong kum ka jylla ngi don ka bynta kaba khraw bha bad ngi don ka daw kaba biang bha ba kumno ka sorkar India kan ithuh noh ia ka ktein Khasi bad ktien Garo ia kaba ngi la dep ai da ka jingthoh sha u myntri rangbah ba un iakren bad ka sorkar India ba kala dei ka por ba kin ithuh noh ia ka ktien Khasi bad Garo kum ka jingpynrung ha ka khyrnit ba 8 jong ka riti synshar ka ri India.
U Bah Metbah u la ong, kawei ka bynta kaba donkam bha bad kata kadei ka jingkyntiew ia ka rta na ka bynta ban ioh rung ha ka kam sorkar bad namar ba ka don kane ka covid 19 naduh u snem 2020 ngi iohi ba don shibun ka jinglynga ka jingsngewsih bad ka jingbuh khoh jong ki khynnah samla namar ba ka snem ban ioh rung kam sorkar ka long hapoh 32 snem
Na ka liang u Bah Metbah u la ong ka party kala ai da ka jingthoh sha u Myntri Rangbah ba un shim khia ha kaba iadei bad kane bad kala don ka jingpynsngew ba ka don jingeh ha kaba iadei bad kane te hynrei nga iai ban halor ki nongrim ba kum kiwei kiwei ki jylla kila kyntiew ia ka rta snem ban ioh kam sorkar bad ka long kaei kaei kaba donkam bha na ka bynta ka jingioh kam ioh jam ki khun samla
“Ngi don shibun ki khun samla kiba la palat ia ka 32 snem kim lah shuh ban ioh ia ka kam sorkar bad u myntri rangbah u dei ban peit tikna ha kaba iadei bad kane ka kam bad ban ia ka kum kawei na ki mat ba donkam bad nga sngew ba kane ka snem kadei ka snem ba ngi rakhe ia ka 50 snem bad kan long kaei kaei kaba sngewtynnad lada kyntiew noh ia ka rta ban ioh kam sorkar na ka 32 sha 37 snem” ong u Bah Metbah.
Nalorkata, u Bah Metbah u la iathuh ba ka mat kaba saw kaba ka seng UDP ka la buddien kadei halor ka jingdonkam ban phiah noh Assam-Meghalaya cadre bad ban noh da ka jong lade ka ban tip paidbah kum ka Meghalaya cadre.
Da ki snem ngi la tyllun bad pdiang ia ka Assam-Meghalaya cadre hynrei kum kawei na ki seng trai ri trai muluk, na ka por sha ka por, ngi la iai dawa na ka sorkar jylla bad ka sorkar kmie ba ka dei ban pynurlong, da kaba ai noh da la ka jong ka cadre.
Shuh shuh, u la ong ba kiwei ki mat kiba kynthup ia ka ILP bad kiwei de, ka UDP kan dang bteng ban iai dawa.
Phi don ban ong eiei?