U Professor, u shipai, u tymmen na Dawki bad 3 ngut

Shillong, 9’lyngkot:
Sa hynniew ngut ki briew kynthup uwei u Professor ki la paw kyrteng ha ka jinglehbor ia kawei ka khynnah kynthei kaba dang 14 snem karta, la ujor sha ki pulit ia kitei ki 7 ngut ruh hadien ka jingshah kem u bah Julius Dorphang MLA ka Mawhati. Ka State Commission for Protection of Child Rights (SCPCR) ka la ujor FIR.
Ha kawei na ki jing ujor ka kong Meena Kharkongor Chairperson ka la kynthoh ba uwei u briew uba katei ka kynthei ka shu kynmaw ba u dei u Prof. Roy u la leh bor ia ka ha ing jong ka Momoni ha Demthring, kiwei pat kiba la mih kyrteng ha ka jing ujor, ki long u Hasan u nongthied tin jot uba la batbor ia ka hapoh dukan jong u, uwei u khasi na Borsora uba la batbor hapoh Hotel ha Police Bazar-Khyndailad, u Hosor, uba don dukan tim, u Apu na jowai bad u Sagar uba la wanrah da u shipai sha ing jong ka Mamoni ban thiah bad katei ka khynnah.
La ong ba katei ka khynnah ba uwei u Khasi ba la tymmen na Dawki uba dei u paralok jong ka Mamoni u la leh bor ia ka arsien, ka sien ba nyngkong ha ing ka Mamoni bad sa shisien pat ha ing jong ka briew ba la tip kum ka Mary ha Demthring. Ha katei ka jingjia haduh mynta ki la don 7 ngut kiba la shah kem kynthup u bah Julius Dorphang.