U President ka BJP u khlem ong ban weng noh na ka Sorkar MDA, ong u bah Hek

Shillong: U bah Alexander L Hek u MLA jong ka seng BJP bad u ba dei ruh u myntri ba dei peit ia ka tand ka koit ka khiah, mynta ka sngi u la pynshai ba ka jingong jong u president ka BJP Meghalaya state unit u bah Ernest Mawrie, ka long ba u la ong ba lada I donkam kin weng noh noh na ka sorkar synrop MDA, hynrei u khlem ong ba kin weng noh na ka sorkar MDA

U bah Hek u la ong ruh ba kane ka bynta ka long ba hap ban pyrkhat lang ha ka party hi baroh kawei bad lada don kano kano ruh ka jingeh ruh yn sa shim lang ia ka rai da ka juh ka jingmut kano kano ruh karai kan long ka ba bha .

Kane ka long hadien ba u bah Ernest Mawrie u President jong ka BJP Meghalaya State Unit myn hynnin ka sngi, u la byrngem ia ka sorkar synrop ka Meghalaya Democratic Party ka ba la ialam da ka party NPP kam burom lem ia ka party BJP ,na ka liang jong ka party BJP kan weng noh ia la de ka ne ka sorkar MDA.

U bah Ernest u la kynnoh ruh ba ka sorkar MDA kam burom ia ka party BJP ka long ba ha JHADC ka party ka don 3 ngut ki MDC, ia ka Excutive Commitee la ialam da ka NPP bad la kyrshan da ka UDP, hynrei ia ki MDC jong ka party BJP la pynshong ha ka liang pyrshah, kumjuh ha GHADC ha ka ba ia ka Excutive Commitee la ialam da ka NPP ha kaba ki MDC jong ka BJP ki don 7 ngut hynrei ia kine ruh la pynshong ha ka liang pyrshah ha GHADC, kane ka long kaba yn ym lah ban pdiang namar ba ha ka sorkar MDA ki ia don lang.

U bah Hek u la iathuh ba ki MDC jong ka BJP ki ia trei ryngkat ryngkat bad ka Executive Commitee ha JHADC bad GHADC, hynrei na ka liang u CEM ki khlem kynthup lang ia uwei ruh u MDC ka BJP ha ka EC. Na ka liang u bah Hek u la iathuh ba u la dep ban ia kren bad u Chief Minister bad u CEM ka JHADC halor kane ka bynta ban ai bynta lang ia uwei na ki MDC jong ka BJP hynrei ki la shu kohnguh, hynrei haduh mynta ki khlem pat shim lang ia kine ki MDC ha ka juh ka EC.