U Pastor Basaiawmoit, kum u People Candidate Forum

Shillong,20 Nailur:
La pynlong ia ka jingialang phylliew jingmut jong ki paidbah kiba la wan ban mih khmat na ki hynriew District, kata, East Khasi Hills, West Khasi Hills, Ri Bhoi, East Jaintia Hills, West Jaintia Hills bad South West Khasi Hills, ha Khasi National Dorbar Hall mynhynin ka sngi ha kaba la pyniaid ia ka jingialang da u Pastor PB Syngkli.
Ha katei ka jingia lang kaba la long ban ia pyrkhat ia u ba kumno u kyrtong ki paidbah ki ibit ban phah sha ka Ing Dorbar ka Ri, ka sur kaba la mih na ka tei ka jingialang ka la i bit ia u pastor PBM Basaiawmoit ban long u simpah u simsong ka jaitbynriew ha ka Ing Dorbar ka R. Katei ka jingialang kala kyrpad ia u pastor Basaiawmoit ban ia khun biang sa shisien ha kane ka elekshon MP ka ban wan.
Ha kajuh ka por, ka jingialang ka la thung ia ka Steering Committee jong ka People’s Candidate Forum hapoh ka jingialam ba shipor jong u Patron : Bah S. Lamurong, Chairman: Pastor P.B Syngkli, General Secretary Bah Joannes J.T.L. Lamare, Organising Secretary- Bah G.D Lakiang, Finance Convener- Kong R. Sohtun bad Youth Convener- Bah Hynniewkor Syngkli.