U Pantun kum u Chief Justice ka High Court Meghalaya

Shillong, 20 Nailur:
U Justice Prafulla Chandra Pantun u la shimti kum u Chief Justice ba thymmai ka Meghalaya High Court bad la pynbam smai ha kane ka sngi Thoh dieng da u Lat KK Paul ha Raj Bhawan. U Pantun u la ong ba ki jingiakhih ha ka synshar paidbah ka don ka hok tangba ka jingiakhih kam dei ban wanrah ia ka jingmynsaw bad ka jingduh. “katba ka jingiakhih ka dang long jai jai, kam don jingpher hynrei lada ka wanrah ia ka jingmynsaw bad ka jingduh kam long, la ong u Chief Justice ba thymmai ka Kashari Meghalaya High Court uba bam smai hynne ka sngi kaba dei ka sngi pakhang shnong ki sengbhalang.
Ha kajuh ka por, u la ong ba u don ha kane ka jylla ba shakri ia ki paidbah ka Meghalaya bad un pyrshang ban pynsted ia ka jingbishar ia ki mukotduma kiba bun kiba sahteng.
U Prafulla ba hynriew phew snem ka rta, u la shimti ia kane ka kam hadien ba ka Justice T Meena Kumari ka la shong thait noh ar bnai mynshwa. Shwa ia kane, u Justice Pant u dei u nongbishar ka Uttarakhand High Court.
La kha ia u ha Pithoragarh district jong ka jylla Uttar Pradesh, bad u la pyniasoh bad ka UP Judicial Service ha u snem 1976 bad u la bat bun ki kam.
U Justice Pant u la long u Additional Judge jong ka Uttarakhand High Court ha u Jylliew 2004 bad kum u nongbishar ba pura ha u Rymphang 2008.