U Pannerselvam, U MR ba thymmai ka Tamilnadu

Chennai, 28 Nailur:
Hadien ba ka myntri rangbah ka Tamil nadu, ka J Jayalalithaa, ka la shah kynnoh ba katei ka myntri rangbah, ka don spah beain, ka Jayalalitha, ka la dei namarkata ban hiar na ka shuki myntri rangbah jongka. Ha ka jaka jongka, la jied noh da U O Panneerselvam, u ban ialam ia ka sorkar thym mai, katba kum ka jing kwah jong ka Jayalalitha.
Ki nongialam ba rangbah jongka, kiba dei ruh ki myntri ha ka sorkar, kiba kynthup ia U Pan neerselvam, U Natham R Vishwanathan, U R Vai thilingam bad U Edappadi K Palaniswami, ki la pyrshang ban iakynduh ia ka mynta ka sngi, ha ka phatok kaba set ia ka, ha Parappana Agrahara, kaba don ha Bangalore, hynrei ki bor pyniaid phatok, kim shym la shah satia ba kin ia kynduh bad kim shym la shah ruh ia ki heh sorkar, kiba na Chennai, ba kin ia kynduh ia ka, ha kaba la ialam da ka Chief Secretery barim bad ka nongai jingmut jongka sorkar, ka Sheela Balakrishnan.
Haba kim iakynduh, ki la wan phai noh sha ka Jylla, da kaba iaid da ka kali bad ki la shim ia ka rai, ban jied ia U Paneerselvam, kat kum ba la bthah da ka Jayalalitha, ha shwa ban phah ia ka sha phatok. Ki MLA, kiba iakynduh mynta ka sngi, ki la jied ia U Panneerselvam kum u nongialam jongki, ha kaba la kyrshan da ki 150ngut ki MLA.
Hadien ba la dep rai hynnin ka sngi, ha Bangalore, la dei ban ialam ia ka Jayalalithaa sha ka phatok ha Parappana Agrahara bad la ialam ia ka ban shah eksamin ha ki doktor, ha shwa ban ialam sha phatok. Hadien kata, la leit ialam ia ka sha ka kamra jong ka phatok, kaba dei u number 7402 bad kane ka dei ka kamra, kaba u myntri rangbah barim ka Karnataka, U BS Yeddyurappa, ula sah 24sngi kynthih, hadien ba ula shah kynnoh ba u pyndonkam bakla ia ka kam khyndew kum u myntri rangbah jong katei ka Jylla.
Ka Jayalalithaa, ka la pan ba kan leit sah sha ka hospital, namar ba kam da sngew khlain, hynrei, ym shym la shah satia bad la ong, ba yn eksamin shwa da ki doktor, kiba don ha katei ka phatok bad lada ki lap, ba ka dei ban leit ialam sha Hospital, kin sa rai na katei ka phatok. Ki riewsaid na bynta ka Jayalalitha, ki iathuh ba ka jingim jong ka Jayalalithaa, ka don ha ka jingma, hynrei ym shym la shah shkor satia, da ki nongpyniaid jong katei ka phatok.