U number pulit, ba byrngem HANM

Shillong,1 Jylliew:
U bah Ency Shadap, Organising Secretary ka HANM u la shah byrngem pyniap ha kine ki sngi ba la dep ha ka 17 tarik u jymmang, 2014, ba ia katei ka jingshah byrngem pyniap utei u samla u la leit mudui sha ki pulit ka Khliehriat PS, u Samla Shadap u la shah byrngem ha ka 17 tarik ha ka por 8.44 janmiet bad u la ioh pdiang ia kawei ka telephone bad ka jingthoh lyngkot, na u wei u number phone uba don ia u number +919720879665. Katkum ka jingtip ba la ioh lum na utei u nongialam ka HANM la iathuh ba utei uba la byrngem ia u, u la pynithuh ialade kum u Lucas Rymbai ba na ka shnong Ladrymbai (Parma).
Hadien katei ka jingshah byrngem na ka liang u bah Shadap bad kumjuh kiwei pat ki nongialam sengbhalang ki la leit ban ia kynduh ia ki pulit ka Khliehriat bad ki la kyntu ia ki ban kem ia utei u runar uba la byrngem ia u nongialam sengbhalang. Hynrei kham hadien pat katkum ka khubor pulit la ioh jingtip ba utei u nongbyrngem uba la tip kyrteng kum u Lucas Rymbai u la byrngem ia u bah Shadap da ka nombar phone kaba dei ha ka kyrteng jong u wei u pulit.Utei u nombar +919720879665 ka dei ba don ia ka kyrteng jong u Bah kamlang lyngdoh uba trei kam pulit bad mynta u don ha nongbah Delhi jong ka IRBN, hynrei ia katei ka simcard ka jong u la pyndonkam pat da u Lucas Rymbai uba dang pule hapoh Dehradun,Selaqui international school, ong ka tyllong khubor.