U nongtuh, u nong pyniap briew, katba ka buh ka BJP, kyrshan beit, ong U MP

U MP ka Jharkhand, uba dei na ka seng BJP, U Nishikant Dubey, ula ong ba uno uno u kandidet, uba la buh da ka seng BJP, dei ban ia kyrshan radbah beit, wat la u dei u nong pyniap briew, u ba duna dkhot met, namar ba dei ban shaniah beit ia U Amit Shah bad ia ki rai jongu.

Ka khubor jong ka India Today, ka ong ba ha ka jingialang jong ki nongtrei seng ha Jharkhand, U Nishikant Dubey, u ong “Peit ngan shu ong iaphi, ba uno uno uba ka seng BJP, ka pynialeh, lada dei uba anna, u nongtuh, u nongpyniap briew, ngi dei ban kyrshan beit khlem artatien. Ngi dei ban shaniah tylli ha ka rai jong U President ka seng, U Amit Shah, u myntri rangbahduh, U Narendra Modi bad u myntri rangbah, U Raghubar Das.”

U ong shuh shuh “Peit mynta, ngi la set phatok ia U Chidambara, sa peit ha ki ar, lai sngi ban sa wan, phin sa iohsngew ba ngin set patok ia u pyrsa kurim ka Sonia, U Robert Vadra.”