|
Shillong: Ka Hyc War Jaintia Circle ha ka 20tarik Iaiong 2019 ka la leit sha shnong “Mawlong (Smia U Long)” Amlarem west Jaintia Hills bad katei ka long ban ia kynduh ia uwei u briew u ba la shakri paidbah la kumba 18snem eiei kum u nongsumar khasi (Kombiraid). Une u kombiraid la tip kyrteng u Jiang “Tariangmon Lamat” bad bun ki briew lyngba ka jingsumar jong u kum kiba kheiñ shyieng, iap shiliang, pang kidney, pang niangsohpet bad kiwei kiwei, ki la ioh jingkoit na u; hynrei kaba kham sngewphylla ka long ba wat kito bala duh jingkyrmen na ka jingshah sumar na ki hospital bapher bapher bad ynda kila leit na une u kombiraid ki la ioh jingkyrmen biang sa shisien da ka jinglah une u nongsumar ban pynkoit biang ia ki.
 Kumjuh ruh wat kito kiba la kheiñ shyieng, ki doktor na hospital ki la hap ban thep da ki nar, hynrei haba ki la leit na u ne u kombiraid, ym donkam thep nar bad tang da ki jingsumar jong u ki nongpang kila koit biang.
 Wat la u la pynlut iaka por met bad mynsiem bad kumjuh ruh u la shna da ki iing ia ki nongpang kiba wan thiah pang ban sahmiet, hynrei une u kombiraid um ju shim bai iing ne bai sumar ia ki nongpang. Hynrei kaba pynsngewsih ia ka seng, ka long ba une u kombiraid um ju ioh jingiarap eiei na ka sorkar ne na ka bor district council. Te na ka liang ka seng kan sa wad iaki lad ki lynti ban nang iai kyntiew shuh shuh ia une u kombiraid uba don shisha ka sap ba la ai kyrpang da u Blei, khnang ba un ioh ka jingpynithuh naka bor district council.
Ha katei ka sngi ba ka seng ka leit sha Mawlong la don lang ki media ki members ka seng bad u Rangbah shnong ka Mawlong (Smia u long), ong ka kyrwoh ba la pyllait da u Publicity Secretary u Riki Mukhim.
|
Phi don ban ong eiei?