U nong America, uba la shoh ia u doktor jong ka Civil Hospital, Shillong, um don jingpang coronavirus satia, ong ka khubor.
U Theodore Moallem, u dei uba trei bad ka seng kaba iarap ia kiba matlah ka Blind Lead Trust, Nongthymmai bad la iathuh ba utei u don jingpang shitmet, hynrei haba la peit bniah, la lap ba um don jingpang khlam satia.
La iathuh ba utei un don ha ka jingshong kyrpang ha la iing. U Moallem, ula leit sha Guwahati, ha ka 26tarik Jymmang ban leit shaw ia uwei u nongpang na Guwahati bad u wan phai sha Shillong, ha ka 6tarik Jylliew bad ka dei ha katei ka miet, ba ula ktah kti ia u doktor bad kiwei ki nongtrei kiba don ha Shillong Civil Hospital, ong U Bah AL Hek, myntri ka koit ka khiah ka sorkar Jylla.
La iathuh ruh ba ka dei ha katei hi ka miet, ba la ialam ia u sha hospital NEIGHRIMS, hynrei ula ialeh pyrshah bad ka dei ha katei ka por, ba ula ioh ban pyn mynsaw ia U Dr Isaac Syiem, uba la mynsaw ki shym priah kti jongu bad U Dr Syiem, un nym lah satia ban peit nongpang, haduh ba un da jem na katei ka jing mynsaw.
Phi don ban ong eiei?