U namding, uba siat da ka Israel, u leit hap ha jingthiah bad u ioh thiah syndon

Tel Aviv: Wat la ka dei ka thma, hynrei, ka don ka jingjia, kaba pyn biria bad kata ka dei ba uwei u namding, uba khlain bor bha jong ka Israel, u la pynpra ia kawei ka iing bad u leit hap beit beit ha kawei ka jingthiah, bad ynda la hap ha jingthiah, um shym bthei satia bad imat, ula ioh thiah noh syndon.

Utei u namding, u dei uba khlain bor shi katdei bad ula dei ban pynjot thiaw ia katei ka jingthiah, kaba arngut briew bad ia ka iing hi baroh kawei, hynrei, haba um shym la bthei, kumta katei ka jingthiah, ka lait na ka jingshah pynjor.

Katei ka jingjia, ka dei ha ka shnong Khan Yunis, kaba don sharum jong ka Gaza Strip.

Utei u namding, u dei uba heh bad uba khia shi katdei, ha kaba la dei ban tan, da ka crane, na katei ka jingthiah.

Ha kawei pat ka khubor, ka Israel ka la mynjur ban sangeh ia siat noh bad ki ehrang Hamas, kaba sdang naduh hynnin ka sngi, ha kaba ka la mynjur, ia ka jing iakren, kaba la lamkhmat da ka Egypt.