U myntri thymmai ka Kur Kharlukhi

Shillong, 10 Jylliew:
U Syiem jong ka hima Mylliem u Pa’iem Latho Manik Syiem u la thung ia u Bah Midnight Born Kharlukhi kum u myntri jong ka hima. Ia kane la pyndep hapoh ka iing dorbar kaba don ha Mawkhar.
U Bah Kharlukhi u la ong u myntri ba khynnah tam hapoh ka hima namar ba u dang dap mynta dang 25 snem ka rta. U Bah Midnight u mih khmat ia ka kur Kharlukhi kum u myntri hapoh ka hima.
Ka jingjied ia u Bah Midnight kum u myntri na ka kur Kharlukhi ka long ha dien ka jingkhlad noh jong u myntri bam kwai ha dwar u blei u Bah Phrangsngi Kharlukhi. Da kane ka jingshah jied ka kur kharlukhi mynta ka la ioh ia u myntri hapoh ka hima Mylliem ryngkat bad kiwei ki 48 ngut ki myntri ka hima.(SP News)