U Murrumu jong ka Walubara, uba la pynbna ia la ka jong ka ri laitluid

U Murrumu jong ka Walubara bad u khun jongu, U Thoyo, ki shong ki sah bad ki mad ia ka um kaba khuid khlir khlir ha ka duriaw jong ka Great Barrier Reef, kaba don shibun ki soh ki syntiew, ki dohkha ba hajar jait bad kitei ki shong ki sah ha ka jaka, kaba don 35 mer sharud jong ka Australia.

Ha U Murrumu lem bad kito kiba bud ia u, katei ka duriaw bah, ka dei kaba hap ha ka ri jong ka Yidinji, ka dei ka ri laitluid bad ka don ka jingheh kaba 6,000 square miles bad kaba U Murrumu, ula pynbna kum ka ri laitluid ha u snem 2014, wat la ka Australia pat kam pat pdiang ia katei ka jinglaitluid jong katei ka ri.

Katei ka jingshisha, ka dei namar ba ka Australia, kam shym la ithuh satia ia u, kum trai shnong jong katei ka thain bad ka dei na katei ka daw, ula iehnoh ia ka kam thoh khubor, ula weng noh ia ka jinglong kum u nong Australia, u kylla noh ia ka kyrteng jongu bad u pynphai lut noh ia ki kot ki sla kiba pyni ia ka jinglong nongshong shnong jongu ha ka Ri Australia.

U Walubara, u don mynta 45 snem ka rta bad ym tip, la ka jingthmu jongu, kan long ne em kaba jop bad la ka Australia kan ithuh ne em, ia ka jinglong trai jongu, ia katei ka shnong kaba u shong u sah.

Kane ka jaka, kaba la tip kum ka Yidinji, ka dei kaba la tip kum ka sorkar jong ka Yidinji bad ka don 10ngut ki myntri sorkar ha ka bad ka don kumba 100ngut ki nongshong shnong bad kitei ki dei ki nong Australia bad ki nong Yidinji ruh.