“U Mukul, uba mynta, um dei shuh,kum uba mynshwa”

Shillong, 15 lyngkot:
U Mukul, uba myn ta, um dei shuh U Mukul, uba long lai bnai shiteng mynshwa. Ia katei, la mynjur, da U bah Sadon K Blah, nongialam jong ka HNYF, haba iakren bad U Rupang mynta ka miet.
“Ka jingiakren myn ta, ka long kaba sngew tynnad bad kam ia hap satia, na kato kaba long ha ka 29tarik Nailar 2013” ong U bah Blah. Ka jingialang, kaba sdang ha ka por 11.30 bad ka kut, ha ka por 1baje nohsngi. Ka da don ka jing ia khublei iwei pa iwei, ha kaba sdang bad ka jingialang, ka da kut ruh, ha kaba kam don ka jing ia mih jyndat, kumba la jia ha U Nailar, ong U bah Blah.
La don ruh ka jingkylli, na ki nongialam sengbhalang, halor kitei ki dkhot ba la shah kem, ha katei ka jingiakren, ha kaba u myntri rangbah, ula jubab, ba un bthah, ba kin rai pynstet ia ka jingbishar ia kito kiba shah kem, ha ki kyndon bapher.
Halor ka jingiadei pat bad ki nongialam sengbhalang, la ka don ne em ka jingiakren, halor ki jingmudui bapher jong ki pulit, la kynthoh da U Bah Sadon, da kaba ong “U sngewthuh ba ka jingiakren kam pat kut bad lada u kwah pyndik, haba ka kam, ka dang iaid, ka shong ha u”.
Hynrei, u iathuh ba na ka liang jongu, um shym la ioh ia kano kano ka jingujor kaba thymmai na ki pulit, lait noh na ki hynniew tylli, kiba ula ioh, ha ka por jong ka jingiakhih, hynrei, ha une u snem thymmai, kam shym la poi shuh kano kano ka jingmudui na ki pulit, ong U Bah Blah.