U MRAD KHLAW UBAN SA WAN

AIS SUJA

Ka Bible ka la dep iathuh (predict) shaphang uta u Mrad khlaw u ban sa wan shen, tang shu mih ka hukum baka Israel kan pynieng pat ia ka Temple kaba lai ha Jerusalem.

Shaphang ka Temple kaba lai ha Jerusalem, to ngin tip ba u Blei u khlem hukum ban pynieng pat. Namar u Blei um donkam Temple shuh ban ai jingknia kum haki por barim. Hynrei ia kata ka Temple Balai yn pynieng naka bynta ka jingkwah hi ki khun Israel kat kum ka rukom ki kpa tymmen jong ki hyndai.

Haba ki Israel ki kwah te u Blei u shah kein namar ki khlem ngeit ha u khun jong u U Jisu Khrist, te u Blei u shah ia ki Israel ban pyndep iakata kaba ki la kwah. Ka Temple kaba lai ka dei ka Temple kaba khadduh eh kaba ym na u Blei hynrei na u Soitan (Lucifer) kein.

Dei ia kane, ba ka ktien u Blei ka ong – “U Jingijli ba pynjot (abomination of desolation). Daniel 9:27. U Jisu ruh pynkynmaw da kaba ong – “ynda phin iohi ia kata ka jingijli ba pynduh, ba la ong shaphang jong ka da u Daniel Nongiathuhlypa baka da ieng haka Jaka Bakhuid. Mathaios 24:15. (Ye therefore shall see the ABOMINATION OF DESOLATION, spoken of by Daniel the prophet, standing in the Holy Place). Ka Jaka Bakhuid (Holy Place) ka thew iaka Jerusalem. Une (U Jingijli) mrad khlaw un shong hakata ka Temple ka Balai ha Jerusalem bad un leh ia lade kum u Blei. 2 Thessoloni 2:1-4. Namar u kwah long Blei.

Ka ktien u Blei ka iathuh ha ka kitab jingpynpaw shaphang. “Artylli ki Mrad khlaw” uta u mrad khlaw u ba wan kiew na duriaw u syriem ia u Labasa, U don 7 ki khlieh, 10 ki reng, ki kjat jong u kum ka dngiem, ka shyntur kum u sing. Kane ka thew ia u briew u kynja briew uba ka jinglong jong u kum u Mrad kynsha (Beast). Dei ha une ba uta u Iakjakor (soitan Lucifer) u la aiti ia ka bor bad ia ka khet bad ka bor synshar bakhraw.

U Iakjakor udei u soitan. U Soitan u ai iaka bor synshar ha uta u briew uba long Mrad khlaw ka jingsynshar khlem jingisnei. Jingpynpaw 13:1-2. Haba ka lynnong kaba 17 Jingpynpaw la ong iaka juh ba u don 7 ki khlieh 10 ki reng. Ia kine kiei kiei u Blei u la pynpaw ha u Ioanis ha ka dewlynnong Patmos. U ong – uta u mrad khlaw ia uba me iohi u LA LONG, BAD UM LONG SHUH te un sa kiew noh na ka liewlong khlemtrai (bottom less pit) u ban leit shaka jingpynjot te kita kiba iashong ha ka khyndew (pyrthei) ki sngew kyndit…… haba ki iakhmih ia uta u Mrad khlaw kumno ba u la ju long, bad ba um long shuh, bad ba un sa long. Jingpynpaw 17:8. Ha ka lynnong kaba 13 Jingpynpaw la ong – “Nga la iohi ia kawei na ki khlieh jong u kum ia kaba la pynmong haduh ban da iap, hynrei la pynkhiah ia ka jingmong iap jong u. Te baroh kawei ka pyrthei ka sngew phylla ia uta u MRAD KHLAW.

Ki briew ki la iamane dem ia uta u Iakjakor (soitan) naba u la aiti iaka bor synshar ha uta u Mrad khlaw; te kila ia mane dem ia uta u mrad khlaw, ki da ong – uei uba long kum uta u Mrad khlaw? Uei uba lah ban ialeh thma bad u? Jingpynpaw 13:3-4.

Kumta ki 7 tylli ki khlieh, ka mut 7 ki syiem (seven kings). Jingpynpaw 17:10. Uwei napdeng ki 7 ngut ki syiem ba la iap, un sa im biang bad un wan long u syiem uba 8. Jingpynpaw 17:11. Ka mynsiem jong uno uno u briew ba la iap khlem da kylla kaba mut, kan leit sha ka liewlong khlem trai. Ka ktien u Blei ka ong ba ka mynsiem jong uta u syiem uba la iap kaba don ha ka liewlong ba khlem trai (Bottom less pit) kan sa wan kiew (crawl) noh bad ba kan leit sha ka jingjot. Kamdei ba ka mihpat (not resurrection) hynrei ka wan kiew. Jingpynpaw 17:8. Haba u Blei u shah kata ka jia. Haba u la im biang, kita ki shong ha khyndew (pyrthei) kin ia sngew kyndit haba ki la peit ia uta u Mrad khlaw uba la ju long bad ba um long shuh hynrei mynta u la long (U la im). Jingpynpaw 17:8.

Ka jingkylli hangne ka mih. Iano na kita ki 7 ki syiem ba ka pyrthei ka dang ithuh dur haduh mynta, ymdei u Adolf Hitler jong ka Nazi Germany? Namar ia kiwei pat ym ju kham bna hynrei tang ia ka dur u Hitler hi ba ka pyrthei ka iaimih haduh mynta. U Hitler u dei uwei na ki syiem uba shun thlong mluh thlong sying iaki Israel bad u long ruh uta u Mrad khlaw uba saw hain da ka snam ki Israel. Jingpynpaw 17:3.

U Hitler u la ju pyniap haduh Hynriewphew lakh ngut ne 6 million ngut ki Israel kynthup 55 million ngut kiwei pat ha ka thma Bah pyrthei Ba Ar (Second World War) (1939-1945 AD). Ka ktien u Blei ka ong ba uta u syiem uba 7 (Adolf hitler) un sa long u syiem uba 8, u ba wan kiew naka liewlong ba khlemtrai udei u briew ka pop (man of sin) u khun ka jingjot un leit nyngkong ma u sha ka pung ka ding. Kine baroh ki 7 ngut ki syiem bad uta ruh u ban salong u syiem ba 8 ia u ban sa wan ki long ki nongshun jong ka Israel. Une u syiem uba 8 uban sawan un sa shong haka Temple kaba Lai ha Jerusalem haki Lai snem shiteng kaba Ar, ne ki 1260 sngi (bad 30 sngi) ne 42 bnai. Jingpynpaw 13:5. 1 Thessoloni 2:1-4. Nangne un synshar ia ka pyrthei (one world Govt).

Kata kan jia tad ynda la pynieng ia ka Temple ka ba Lai (Third temple) ha Jerusalem kein. U Iakjakor (Lucifer) soitan un aiti ia ka bor synshar ha uta u Mrad khlaw (man of sin) ba un synshar ia kane ka pyrthei 42 bnai ne 3 snem shiteng. Jingpynpaw 13:4-5.

Kata ka ia (age) ka long hajan ka por ka ladei ban ong – Uta uba leh bymhok to nangleh bymhok; uta uba tngit to un nangtngit: uta uba hok to un nangleh hok: uta uba khuid to un nang khuid. Jingpynpaw 22:10. Amen.