U MR ka Delhi uba lam wir, ong U Shinde

NewDelhi, 22K’lyngkot:
Khlem da jer jyrteng ia u Arvind Kejriwal , u Myntri ka kam pohing ka sorkar pdeng u Sushilkumar Shinde mynta ka sngi u la ther tyngeh ia u Myntri Rangbah ka Delhi da kaba ba u dei u ba lamwir. U Shin de u la bitar ia ka jingiakhih jong ki paidbah hapoh ka jingialam u Kejriwal ha nongbah Delhi ha kaba u la ong ba na ka daw jong ka jingiakhih la hap ban pynsangeh noh ia ki shuti ki pulit.
Kham ha shuwa, u Kejriwal u la pynbna ba un pynjur ki jingiakhih pyrshah ia ka tnad ka kam pohing ka jylla da ka jingthmu ban weng noh ia ki bor pulit ka sorkar pdeng na ka nongbah Delhi hadien ka jingjia ki kam thombor pyrshah ia ki kynthei. U Kejriwal u la kynnoh ba u Shinde u dei uba bamsap bad u bym ju dap bad u l akop ban bret ia u Shinde na ka jaka ba pynlong jingiakhih.U Kejriwal u la pynsangeh ia ka jingiakhih jong u hadien ba ka sorkar pdeng ka la phah shuti noh ia ar ngut ki heh pulit kiba ka sorkar jong u ka la kynnoh. Lah ruh ban pynkynmaw ba U Kejriwal bad ki nongkyrshan jong u ki la byrngem ruh ban pynthut ia ka jingrakhe republic Day ha ka 26 tarik ha nongbah Delhi.