U MR bad u symbud MR, kim don jingpang corona satia

Shillong: U Bah Prestone Tynsong myntri rangbah ba ar, ka sorkar Jylla, uba wan phai hynnin ka sngi na Delhi, um shym la ioh satia ia ka khlam corona virus. Katei ka dei ka jingtip, kaba la ioh mynta ka sngi, hadien, ba la dep test ia u, hynnin ka sngi, ha Shillong. La test ia U bah Tynsong, da ka CBNAAT bad ka RT-PCR.

Ha kawei pat ka khubor, la iathuh ba U Conrad Sangma, myntri rangbah ka Jylla, lem bad kiwei kiba leit lang bad u sha Delhi bad Manipur, ki la wan phai mynta ka sngi sha Shillong. La dep leh test da ka CBNAAT bad la iathuh ba ka result, ka pyni, ba kim don jingpang covid satia.