U Marki Mulieh, u President ka BJP ha WJH

Jowai, 24 Iaiong:
Ha ka jingialang kaba la long ha kane ka sngi Saitjain, ka BJP ka la jied ia u ma Marki Mulieh, MDC ka JHADC uba la jop na ka UDP kum u President jong ka ha West Jaintia Hill.
La pynskhem ia u ma Mulieh kum u President ka WJH da u President ka State BJP u ma Shibun Lyngdoh ha ryngkat ka jingiadonlang u President ka East Jaintia Hill, u ma Herlington Shadap ha ka jingialang kaba la long ha iing u ma Mulieh ha Ladthadlaboh, Jowai.
La iadonlang ruh u President ka BJP Morcha ka Meghalaya, u Golam Mostafa bad u Organising Secretery, ka seng u Jagdamba Mall.
Ha kane ka juh ka sngi haduh 77 ngut ki la rung sha katei ka seng kum ki dkhot ba thymmai.