Shillong: U Bah Ardent Basaiawmoit, ula thaw mynta ka sngi ia ka seng “Iada La ka Ri” bad katei ka dei ka rai, kaba ula shim ha ka jingialang paidbah, kaba la pynlong mynta ka sngi ha Madan Student, Jaiaw.
Ha ka kyrteng jong katei ka seng, U bah Ardent, un lum ia ki nongialam shnong, ki sengbhalang bad un leit sha Delhi, na ka bynta ban dawa ia ka jing pyntrei kam ia ka artikel 371 bad kumjuh ia ka Inner Line Permit (ILP).
Ha ka jingkren ha ka jingialang paidbah, U Bah Ardent, u kynnoh ba U Conrad K Sangma, myntri rangbah ka Jylla, u thok, halor ka jing bym don ka jing khaii tuh dewiong ha ka Jylla bad ula ong “Ka jing khaii tuh dewiong kam lah ban long, lada ki ar tylli ki tnat ka sorkar jylla kim tip, kiba kynthup ia ka tnat Transport bad ka tnat Police” bad ula ong ba u myntri ka tnat poh iing bad U James K Sangma bad U Ma Sniawbhalang Dhar, myntri ka kit ka bah, ki dei ban ai jubab sha u paidbah halor katei ka jing lait tuh ki trok kit dewiong.
U Ardent Basaiwmoit u la ong ba tang ka Article 371 bad ka ILP ki dei ki ain ban iada ia ka jylla Meghalaya bad ula ong ba ka Article 371 ka dei ka atiar ka ba bha tam ban iada ia ki riewlum ka jylla namar ka iada ym tang ia ka jing wanrung ki mynder, hynrei kan iada ruh ia ka khyndew ka syiap bad ka spah ka jylla na ka jing shah tuh noh bad ki mynder.
“Ka article 371 bad ka ILP ka la iarap bha ia ka jylla Nagaland bad ka Mizoram na ka bynta ban tehlakam ia ka jing wanrung ki mynder” u la bynrap, katba halor ka ain MRSSA, U bah Ardent, u ong ba kam dei ka jubab ban iada ia ka jylla na ka jing rung khlep ki mynder bad u la ong ba ka MRSSA ka dei tang ka ain ban hukum ia ki trai ing ban pyntip sha ka sorkar ia ki briew ba sah wai ha ki ing jong ki.
“Nga la iohi naduh mynshwa ba ka MRSSA kam dei satia ban iada ia ka jylla na ka ta ka daw nga la weng noh ia lade na ka komiti ban pule bniah halor ka MRSSA” u la bynrap.
Bah Ardent un hap ai jubab halor ka VAB nyngkong sha ei ka jah….