Shillong: U Bah Kyrmen Shylla u ba dei u MLA jong ka seng United Democratic Party(UDP), u la ong ba u tieng tang ia kawei bad kata ka long ka jingrem jong u ha ka elekshon ha kaba u la ong ia ka jingiap um tieng, namar ha kawei ka sngi u hap ban iap, la ka long ha ka kti jongno jongno ne da ka mon jong u Blei, namar kata ka dei ka jinghap ban iaid lynti ha ka jingim jong u briew ha kawei ka sngi U Bah Kyrmen Shylla u la ong ba lada u la leh bakla iano iano ruh ki don ka hok ban shim ia ka jingim jong u hynrei lada u khlem shym la leh bakla eiei iano iano ruh kim don hok satia ban shim ia ka jingim jong u.
Shuh shuh u Bah Kyrmen Shylla u la ong ba lada ka seng Hynniewtrep National Liberation Council(HNLC) ka sngew don hok ban byrngem ia ki riew seng saiñ pyrthei um don eiei satia ban ong pyrshah ia ki hynrei u la ong ba kane ka jingleh ban buh ia u bom pat kam iahap satia bad lada ki don eiei pyrshah ia ka Sorkar ki dei ban wan shakhmat ka miej jong ka jingiakren namar ka Sorkar ka long kaba kloi ban iakren hynrei ban shu byrngem bad ban shu leh da ki kam pyntriem ki ba lah ban shim ia ka jingim jong ki briew ym tang ia ka jingim jong ki riew seng saiñ pyrthei hynrei wat jong ki paidbah ruh kumjuh bad lada jia ba bthei u bom iano yn kynnoh ha kata ka por.
Um ting tang pang malu mala laher phah sumar sha bar jylla ka riewkai suda